हिमालयन आउटडोर फेस्टिभल फागुनमा

काठमाडौं । हिमालयन आउटडोर फेस्टिभलको नवौं संस्करण फागुनमा आयोजना हुने भएको छ ।

आयोजक हिमालयन आउटडोर फेस्टिभलले आइतबार पत्रकार सम्मेलन गर्दै नवौं संस्करणको फागुन २ देखि ४ गतेसम्म हुने जानकारी गराएको छ ।

फर्पिङस्थित हात्तीवन हिलमा आयोजना हुने फेस्टिभलमा तीन विधा (राइड, रक र दौड) समावेश गरिएको छ ।

राइड अन्तर्गत डाउनहिल, क्रस कन्ट्री, इलिमिनेटर र नाइट अपहिल हुनेछ । यस्तै रकमा बल्डरिङ, डाइनो र नेचुरल रक क्लाइबिङ हुनेछ । दौडतर्फ ५ किमि, १० किमि, २० किमि, रात्री अप हिल र किड्स रन हुनेछ ।