पाकिस्तानको भ्रमण गर्ने दक्षिण अफ्रिकाको तयारी

एजेन्सी । दक्षिण अफ्रिकाको क्रिकेट टिमले पाकिस्तानको भ्रमण गर्ने तयारी गरेको छ ।

दक्षिण अफ्रिकाले टी-ट्वान्टी सिरिजका लागि पाकिस्तान जाने तयारी गरेको हो । दक्षिण अफ्रिकाले आगामी मार्चमा पाकिस्तान भ्रमण गर्ने बताईएको छ । तर, मिति भने तय भएको छैन ।

भारतसँगको एकदिवसीय सिरिज मार्च १८ गते सकिएसँगै दक्षिण अफ्रिकाले पाकिस्तान जाने तयारी गरेको हो । तर, सुरक्षाको कारण दक्षिण अफ्रिकाको पाकिस्तान भ्रमणले ठोस निर्णय पाउन सकेको छैन ।

दक्षिण अफ्रिकाले सन् २००७ को अक्टोबरपछि पाकिस्तानको भ्रमण गरेको छैन । पछिल्लो समय दुई टोलीबीच युएईमा खेल्दै आएका छन् ।

सन् २००९ मा श्रीलंकन टोलीमाथि आतंकवादी हमला भएपछि धेरै तिम्ले पाकिस्तानको भ्रमण गरेको छैन ।