आश्विनले योर्कशायरबाट काउन्टी क्रिकेट खेल्ने

एजेन्सी । भारतका भेट्रान स्पिनर रविचन्द्र आश्विनले योर्कशायरबाट काउन्टी च्याम्पियनसिप क्रिकेट खेल्ने भएका छन् ।

योर्कशायरले ३३ वर्षे आश्विनलाई यस सिजनको लागि अनुबन्ध गरेको हो ।

उनले कम्तिमा ८ च्याम्पियनसिप खेल्ने छन् । इण्डियन प्रिमियर लिग (आईपीएल) को कारण उनले पुरै सिजन भने खेल्ने छैनन् ।

योर्कशायरले सन् २०१५ देखि उपाधि जितेको छैन ।

गत सिजन उनले नटिङघमशायरबाट खेलेका थिए ।

सन् २०११ को विश्वकप विजेता आश्विनले ७० टेष्टमा ३ सय ६२ विकेट लिएका छन्।