बंगलादेश क्रिकेट टिमले पाकिस्तानको भ्रमण गर्ने

एजेन्सी । बंगलादेशको क्रिकेट टिमले पाकिस्तानको भ्रमण गर्ने भएको छ ।

बंगलादेश क्रिकेट बोर्ड र पाकिस्तान क्रिकेट बोर्डबीच मंगलबार भएको छलफलले भ्रमणको टुंगो लगाएको हो । यस अघि सुरक्षाको कारण बंगलादेशी टिमको पाकिस्तान भ्रमणटुंगो लागेको थिएन् ।

सन् २००९ मा श्रीलंकन क्रिकेट टोलीमाथि आतंकवादी हमला भएपछि बंगलादेशले पाकिस्तानको भ्रमण गरेको छैन । तर, लामो समयपछि बंगलादेशी टिम पाकिस्तान जान सहमत भएका छन्।

बंगलादेशले घरेलु टिमसँग टेष्ट, एकदिवसीय र टी-ट्वान्टी सिरिज खेल्नेछ ।

दुई टिमबीच जनवरी २४ देखि २७ सम्म लाहोरमा तीन खेलको टी-ट्वान्टी सिरिज हुनेछ ।

फेब्रुवरी ७ देखि ११ सम्म दुई टिमबीच पहिलो टेष्ट खेल हुनेछ । अप्रिल ३ मा दुई टिमबीच एकदिवसीय खेल हुनेछ । त्यसपछि ५ अप्रिल देखि ९ सम्म दुई टोलीबीचको दोस्रो टेष्ट हुनेछ ।