मेलबर्नको खेल आज, सन्दीप चम्किएलान् ?
एजेन्सी । नेपाली लेग स्पिनर सन्दीप लामिछाने रहेको मेलबर्न स्टार्सले बिग बास लिग (बीबीएल) क्रिकेटमा आज आइतबार सिड्नी स्किसर्ससँग खेल्दैछ ।
मेलबर्हुनमा हुने घरेलु टिम र सिड्नेनीबीचको खेल नेपाली समय अनुसार अपरान्ह १:५५ मा सुरु हुनेछ ।
लिगको दोस्रो स्थानको सिड्नीसँग मैदान उत्रदा मेलबर्न आठौं जितको खोजीमा हुनेछ ।
मेलबर्न ८ खेलमा ७ जितसहित १४ अंक जोडेको शीर्ष स्थानमा रहेको छ । सिड्नीविरुद्ध जित निकाल्दै मेलबर्न उक्त जितको लय कायम राख्न चाहन्छ ।
सिड्नी ८ खेलमा ६ जितसहित १२ अंक जोडेर मेलबर्नलाई पछ्याईरहेको छ । सिड्नी घरेलु टोलीलाई हराएर शीर्ष स्थानको अंक बराबर गर्ने योजनामा हुनेछ ।
सिड्नीविरुद्ध सन्दीप प्लेईङ सेटमा पर्ने सम्भावना बलियो रहेको छ । सन्दीपले यस सिजन सबै खेलमा मैदान उत्रने मौका पाएका छन् ।
सिड्नीसँग खेल्ने १३ सदस्सीय टिममा सन्दीप परिसकेका छन् । यस सिजन सन्दीपले ७ खेलमा ८ विकेट हात पारिसकेका छन् ।
