सन्दीप मेलबर्नको प्लेईङ सेटमा

एजेन्सी । नेपाली लेग स्पिनर सन्दीप लामिछाने रहेको मेलबर्न स्टार्सले बिग बास लिग (बीबीएल) क्रिकेटमा अहिले मेलबर्न रेनेगेड्ससँग प्रतिस्पर्धा गर्दैछ ।

डकल्याण्डमा मेलबर्न र रेनेगेड्सबीचको खेल नेपाली समय अनुसार अपरान्ह १:५५ मा सुरु हुनेछ । मेलबर्नले टस जितेको छ र पहिले फिल्डिङ गर्ने निर्णय गरेको छ ।

रेनेगेड्सविरुद्ध सन्दीप प्लेईङ सेटमा परेका छन् । यस सिजन सन्दीपले ६ खेलमा ६ विकेट हात पारिसकेका छन् ।

लिगको पुछारको टिमसँग मैदान उत्रदा मेलबर्न सातौं जितको खोजीमा रहेको छ । मेलबर्न ७ खेलमा ६ जितसहित १२ अंक जोडेको शीर्ष स्थानमा रहेको छ । रेनेगेड्सविरुद्ध जित निकाल्दै मेलबर्न उक्त जितको लय कायम राख्न चाहन्छ ।

अघिल्ला ७ खेलमा पराजय ब्यहोरेको रेनेगेड्स पहिलो जितको खोजीमा हुनेछ ।