साउदीका प्रशिक्षक पिज्जी भन्छन् , 'अप्रत्याशित हार भयो, रणनीति परिवर्तन गर्नुपर्छ'

एजेन्सी । रुसमा सुरु भएको २१ औं संकरणको उद्घाटन खेलमा एसियाली राष्ट्र साउदी अरेबियाले फराकिलो हार बेहोरेको छ । मस्कोस्थित लजनिकी रंगशालामा  साउदी आयोजक रुससँग ५ – ० गोल अन्तरले पराजित भएको हो ।

विश्वकपको उद्घाटन खेलमा फराकिलो हार बेहोरेपछि साउदीका मुख्य प्रशिक्षक जुवान एन्टोनियो पिज्जीले रुससँग अप्रत्यासित हार बेहोर्नु परेको बताएका छन् । पहिलो खेलमा पराजित भएपछि पिज्जीले भने, 'यो कठिन खेल थियो र हामीले ठूलो र अप्रत्यासित हारको सामना गर्यौ । रूसले राम्रो प्रदर्शन गर्यो, जबकी हामीले राम्रो गर्न सकेनौ ।'

यस्तै अर्जेन्टियन प्रशिक्षक पिज्जीले अबको खेलमा टोलीको रणनीति परिवर्तन गर्नुपर्ने समेत बताए ।  उनले भने, 'हामीले हाम्रो रणनीति परिवर्तन गर्नु पर्छ । अहिले के भइरहेको छ हामीले बिर्सनु पर्छ, अर्को खेलको बारेमा सोच्नु पर्छ । मेरो खेलाडीमा मलाई विश्वास छ ।'