राष्ट्रिय क्रिकेट टिमको प्रशिक्षण शुक्रबारबाट

काठमाडौं । अन्तर्राष्ट्रिय क्रिकेट परिषद (आईसीसी) विश्वकप क्रिकेट लिग टु अन्तर्गत अमेरिका र ओमानसँगको सिरिजका लागि नेपालले शुक्रबारबाट बन्द प्रशिक्षण थाल्ने भएको छ ।

नेपाल क्रिकेट संघ (क्यान) को आइतबार बसेको बोर्ड बैठकले नेपालको तयारी पोखरामा शुक्रबारबाट गर्ने निर्णय गरेको हो । बन्द प्रशिक्षण पोखरा क्रिकेट मैदानमा हुनेछ ।

विश्वकप लिग टु अन्तर्गत नेपालले माघ २२ देखि २९ गतेसम्म टियु क्रिकेट मैदानमा अमेरिका र ओमानसँग सिरिज खेल्ने छ ।

सिरिजका लागि टियु मैदानको स्तरोन्नति र अभ्यासको लागि मुलपानी मैदानको स्तरोन्नतिको काम पनि भईरहेको क्यानले जनाएको छ ।

नेपालले अमेरिका र ओमानसँग खेल्लिने खेल तालिका :

माघ २२ : नेपालविरुद्ध ओमान

माघ २३ : ओमानविरुद्ध अमेरिका

माघ २५ : नेपालविरुद्ध अमेरिका

माघ २६ : नेपालविरुद्ध ओमान

माघ २८ : अमेरिकाविरुद्ध ओमान

माघ २९ : नेपालविरुद्ध अमेरिका