सन्दीप चम्किए, मेलबर्नलाई १ सय ४३ रनको लक्ष्य

एजेन्सी । नेपाली लेग स्पिनर सन्दीप लामिछाने रहेको मेलबर्न स्टार्सलाई बिग बास लिग (बीबीएल) मा डर्बी क्लब मेलबर्न रेनेगेड्सले जितका लागि १ सय ४३ रनको लक्ष्य दिएको छ ।

मेलबर्न क्रिकेट मैदानमा टस हारेर पहिले ब्याटिङ गरेको रेनेगेड्सले २० ओभरमा ९ विकेट गुमाएर १ सय ४२ रन बनायो ।

रेनेगेड्सका लागि शौन मार्शले सर्वाधिक ४३ रन बनाए । यस्तै बेउ वेब्स्टरले २९ तथा कप्तान आरोन फिन्चले २५ रन बनाए ।

स्टार्सका सन्दीपले ३ विकेट लिए । उनले ४ ओभरमा २६ रन खर्चिएर ३ विकेट लिएका हुन् ।

सुरुवाती दुई ओभरमा विकेट विहीन सन्दीप तेस्रो ओभरमा २ र चौंथो ओभरमा १ विकेट लिन सफल भए । यससँगै सन्दीपले यस सिजन सन्दीपले ५ खेलमा ६ विकेट लिन सफल भएका छन् ।

यस्तै एडम जाम्पा र डेल स्टेनले २/२ विकेट लिए ।

आज दुवै टिम जित निकाल्ने लक्ष्यसहित मैदान उत्रने छन् ।

५ खेलमा ४ जित हात पारेको मेलबर्न ८ अंकका साथ तालिकाको शीर्ष स्थानमा रहेको छ । रेनेगेड्स अंक विहीन रहदै पुछारमा रहेको छ ।