मेलबर्न डर्बी आज, सन्दीप प्लेईङ सेटमा पर्लान् ?

एजेन्सी । नेपाली लेग स्पिनर सन्दीप लामिछाने रहेको मेलबर्न स्टार्सले बिग बास लिग (बीबीएल) मा आज शनिबार डर्बी क्लब मेलबर्न रेनेगेड्ससँग खेल्दैछ ।

मेलबर्नमा हुने डर्बी भिडन्त नेपाली समय अनुसार दिउसो १:५५ बजे सुरु हुनेछ । डर्बी भिडन्तमा दुवै टिम जित निकाल्ने लक्ष्यसहित मैदान उत्रने छन् ।

मेलबर्न डर्बीमा सन्दीप मैदान उत्रने सम्भावना बलियो रहेको छ । चोटको कारण सन्दीपले बुधबार सिड्नीविरुद्धको खेल गुमाएका थिए । तर, डर्बी भिडन्तका लागि मेलबर्नले सार्वजनिक गरेको १३ सदस्सीय टिममा सन्दीप परेका छन् ।

यस सिजन सन्दीपले ४ खेलमा ३ विकेट हात पारेका छन् ।

५ खेलमा ४ जित हात पारेको मेलबर्न ८ अंकका साथ तालिकाको शीर्ष स्थानमा रहेको छ । रेनेगेड्स अंक विहीन रहदै पुछारमा रहेको छ ।