किव्क्स कप विजेतालाई सर्लाहीमा सम्मान

काठमाडौं । क्वीक्स कप अन्तर विद्यालय राष्ट्रि फुटबल प्रतियोगिताको च्याम्पियन टोली नारायण जनता माविको खेलाडी तथा अफिसियललाई सम्मान गरिएको छ ।

नेपाल भ्रमण बर्ष २०२० को अवसर पारेर जिल्ला समन्वय समिति सर्लाहीले विद्यालय स्तरको राष्ट्रिय प्रतियोगितामा च्याम्पियन बन्न सफल जिल्लाको विद्यालय टोलीका सदस्यलाई सम्मान गरेको हो ।

विद्यालय स्तरको राष्ट्रिय फुटबल प्रतियोगिता क्वीक्स कपको यस बर्षको उपाधि सर्लाहीको नारायण जनता माविले जितेको थियो ।

रोजित केसी प्रशिक्षकणमा रहेको टोलीले पोखराको शैनिक आवसीय विद्यालयलाई पराजित गर्दै उपाधि हात पारेको थियो ।

प्रदेश नम्बर दुईको होटल ब्यवसायी संघका कोषाध्यक्ष बैकुण्ठ सापकोटाले खेलाडी तथा प्रशिक्षकलाई एक कार्यक्रमका बीच ताम्रपत्र सहित सम्मान गरेका थिए ।