स्पोर्ट्स अवार्डलाई कैलाली उद्योग वाणिज्य संघको साथ

धनगढी । धनगढीमा हुने पहिलो सुदूरपश्चिम स्पोर्टस अवार्डले कैलाली उद्योग वाणिज्य संघले साथ पाएको छ ।

नेपाल खेलकद पत्रकार मञ्च कैलालीले पुस १५ गते आयोजना गर्ने स्पोर्टस अवार्डलाई उद्योग वाणिज्य संघले प्रवर्द्धक रुपमा साथ दिएको हो ।

कैलाली उद्योग वाणिज्य संघका अध्यक्ष पुष्पराज कुँवर र नेपाल खेलकुद पत्रकार मञ्च कैलालीका सदस्य विराज रोस्याराले आइतबार सम्झौता पत्रमा हस्ताक्षर गरेका छन् ।

अवार्ड कार्यक्रममा विभिन्न ६ वटा विधामा अवार्ड प्रदान गरिने छ ।

अवार्ड कार्यक्रममा वर्ष पुरुष खेलाडी, वर्ष महिला खेलाडी, वर्ष युवा खेलाडी, वर्ष प्रशिक्षक, स्पेशल अवार्ड र लाईफ टाईम एचिभमेन्ट अवार्ड प्रदान गरिने छ ।

चार वटा विधाका विजेतालाई नगद २५ हजार सहित ट्रफी र मेडल प्रदान गरिनेछ भने स्पेशल अवार्ड र लाईफ टाईम एचिभमेन्ट अवार्ड पाउनेलाई नगद १० हजार सहित ट्रफी र मेडल प्रदान गरिने छ ।