कुस्ती टोलीले भारतमा तयारी गर्ने

काठमाडौं । इन्डोनेसियामा आयोजना हुने १८ औं संस्करणको एसियन गेम्समा सहभागी हुने नेपाली कुस्ती टोलीले भारतमा बिशेष तयारी गर्ने भएका छन् ।

एसियन गेम्स खेल्ने तीन खेलाडीसहित ५ सदसिय नेपाली टोली बिशेष तयारीका लागि मंगलबार भारत प्रस्थान गरेका छन् । नेपाली टोलीलाई नेपाल कुस्ती संघको अध्यक्ष राज मोहमद अन्सारीले विदाई गरे ।

नेपाली टोलीले भारतको नन्दनी नगरस्थित नन्दनी नगर स्पोर्ट्स कम्प्लेक्समा प्रशिक्षण गर्नेछन् । त्यहाँ नेपाली टोलीले भारतका ओलम्पियन तथा अन्य खेलाडीसंग अभ्यास गर्ने छन् ।

इन्डोनेसियाको जाकर्तामा हुने कुस्तीमा नेपालबाट भागवती शाहले फ्रीस्टाइलतर्फ ५७ केजी, सरोज यादबले ६५ केजी र सुरेश चुनाराले ७४ केजी तौल समूहमा प्रतिस्पर्धा गर्ने छन् ।

नेपाली टोलीको प्रशिक्षकमा खगेन्द्र बस्नेत तथा व्यवस्थापकमा उपेन्द्र यादव छन् । कुस्ती टोली आगामी अगष्ट १५ मा नेपाल आउनेछन् र इन्डोनेसिया जानेछन्  ।

दुई शहर जकार्ता र पालेमबाङमा हुने एसियन गेम्स भदौ २ देखि १६ गतेसम्म हुँदैछ ।