धनगढी । धनगढीमा सुदुरपश्चिम प्रदेश स्तरीय चेस प्रतियोगिता हुने भएको छ ।
कैलाली जिल्ला बृद्धिचाल संघको आयोजनामा आगामी पुस २५ गतेदेखि २७ गतेसम्म धनगढीमा प्रतियोगिता हुने भएको हो ।
विभिन्न तीन विधामा हुने प्रतियोगिताका खेलाडीहरुलाई झण्डै १ लाख तीन हजार नगद पुरस्कार दिईने नेपाल बुद्धिचाल संघका केन्द्रिय सदस्य धन बहादुर वोगटीले जानकारी दिए ।
खुल्ला अन्तर्गत पहिलोदेखि सातौं स्थानसम्म हुने खेलाडीलाई नगद पुरस्कार दिईनेछ । प्रथम हुनेले नगद २५ हजार, दोस्रोले नगद १५ हजार, तेस्रो हुनेले नगद १० हजार, चौथो हुनेले नगद ७ हजार, पाँचौ हुनेले नगद ५ हजार, छैठौं हुनेले नगद ३ हजार र सातौं हुनेले नगद दुई हजार पुरस्कार प्राप्त गर्नेछन् ।
त्यसैगरी विद्यार्थी तर्फ प्रथमदेखि पाँचौ स्थान प्राप्त गर्ने खेलाडीले नगद पुरस्कार पाउनेछन् । पहिलो हुनेले नगद ५ हजार, दोस्रो हुनेले ३ हजार, तेस्रो हुनेले २ हजार, चौथो र पाँचौ हुनेले नगद एक एक हजार पुरस्कार पाउने केन्द्रिय सदस्य बोगटीले बताउनुभयो । महिला तर्फका उत्कृष्ट तीनले पनि नगद पुरस्कार पाउने पत्रकार सम्मेलनमा जानकारी दिईएको छ । पहिले हुनेले नगद ५ हजार, दोस्रो हुनेले नगद ३ हजार र तेस्रो हुनेले नगद २ हजार पुरस्कार पाउनेछन् ।
प्रतियोगितामा सुदुरपश्चिम प्रदेशभरीका ७० जनाभन्दा बढी खेलाडीको सहभागीता रहनेछ ।
