आबु धाबीको खेल आज, पारस प्लेईङ सेटमा पर्लान् ?

एजेन्सी । नेपाली राष्ट्रिय क्रिकेट टिमका पूर्व कप्तान पारस खड्का रहेको टिम आबु धाबीले युएईमा जारी टी-१० क्रिकेट लिगमा आज (मंगलबार) चौंथो खेल खेल्दैछ ।

शेख जायद स्टेडियममा आबु धाबीले चौंथो खेलको रुपमा बंगला टाइगर्ससँग खेल्नेछ । खेल राति ९:४५ मा सुरु हुनेछ ।

बंगलाविरुद्ध मैदान उत्रदा आबु धाबी दोस्रो जितको खोजीमा हुनेछ । अघिल्ला तीन खेलमा १ जित १ हार १ बराबरीसहित ३ अंक जोडेको आबु धाबी समूह 'बी' को तेस्रो स्थानमा रहेको छ ।

क्वालान्डर्सविरुद्धको आबु धाबीको पहिलो खेल टाई भएको थियो । यस्तै दोस्रो खेलमा आबु धाबीले नर्दन वारिवर्सलाई ६ विकेटले हराएको थियो । तर, तेस्रो खेलमा भने मराठा अरेबियन्ससँग २४ रनले पराजित भएको थियो ।

बंगलाविरुद्ध पारस प्लेईङ सेटमा पर्ने सम्भावना रहेको छ । सुरुवाती दुई खेलमा प्लेईङ सेटमा परेका पारस तेस्रो खेलमा भने बेन्चमा रहेका थिए । पारसले दुई खेलमा ब्याटिङ गर्न मात्र पाएका छन् ।

यस्तै समूह 'ए' को बंगला पनि दोस्रो जितको खोजीमा रहेको छ । बंगला ३ खेलमा ३ अंक जोडेर समूहको दोस्रो स्थानमा रहेको छ ।