एलआरआई बास्केटबल र फुटसल हुने

काठमाडौं । एलआरआई स्कुलको आयोजनामा एलआरआई बास्केटबल तथा फुटसल प्रतियोगिता कात्तिक २४ गतेदेखि हुने भएको छ ।
फुटसलमा १३ ब्वाइज टिमको सहभागिता रहने एलआरआईका प्रिन्सिपल देवकान्त जोशीले शुक्रबार आयोजित पत्रकार सम्मेलनमा जानकारी गराए । खेल लिग कम नकआउट आधारमा हुने छ ।

बास्केटबलको ब्वाइजमा १५ तथा गल्र्समा ८ टिमले भाग लिने छन् । ब्वाइजमा एलआरआई तथा गल्र्समा भ्याली पब्लिक डिफेन्डिङ च्याम्पियन हुन् । बास्केटबल र फुटसल लिग कम नकआउट आधारमा हुनेछ ।

प्रतियोगिता सञ्चालन करिब ४ लाख रुपैयाँ खर्च हुने एलआरआईका आर्थिक प्रमुख दीपक जोशीले जानकारी दिए । बास्केटबल आठौं संस्करण हो भने फुटसल पहिलो पटक समावेश गरिएको हो । प्रतियोगिता कात्तिक ३० गतेसम्म चल्ने छ ।