इनोभेटिभ र एआईए क्वाटरफाइनलमा

काठमाडौं । इनोभेटिभ र एआईए १० औं प्याब्सन मध्य क्षेत्रीय बास्केटबल प्रतियोगिताको जुनियर ब्वाइजमा बुधबार क्वाटरफाइनलमा प्रवेश गरेका छन् ।

इनोभेटिभले अक्षर एकेडेमीलाई २२–९ ले पराजित गर्यो । इनोभेटिभका सुमेन्द्र बोहराले १० अंक जोडे । एआईएले सनसाइनलाई २२–१३ ले हरायो । एआईएका निश्चल बुढाथोकीले ८ स्कोर गरे ।

सिनियर ब्वाइजमा स्पाङ्गेल र काठमाडौं जेभियर प्रिक्वाटरफाइनल यात्रा गरे । स्पाङ्गेलले स्वप्न वाटिकालाई ४६–३६ पाखा लगायो । विजयी टिमका लागि रोहित बलामीले २६ अंक जोडे । काठमाडौं जेभियरले सूर्योदयलाई ३७–१५ ले पन्छायो । विजेताका रोहन शाहले १० अंक बटुले ।

सिनियर गल्र्समा चैतन्यले सनसाइनलाई १०–८, एसियन पब्लिकले विज किड्सलाई २७–२२, स्वप्न वाटिकाले भद्रघलेलाई १४–६ र स्पाङ्गेलले सेवा सदनलाई १०–४ ले पराजित गर्दै क्वाटरफाइनलमा स्थान सुरक्षित गरे ।

चैतन्यकी सविना खड्काले ६, एसियनकी नदिशाले १२, स्वप्न वाटिकाकी रेखा मल्लले ४ र स्पाङ्गेलकी कामना रम्तेलले ६ अंक जोडे । बिहीबारदेखि नकआउट चरणका खेलहरु सुरु हुने छ ।