ओलम्पिक कमिटिको निर्वाचन सेप्टेम्बर ६ मा

काठमाडौं । नेपाल ओलम्पिक कमिटि (एनओसी) को निर्वाचन आगामी सेप्टेम्बर ६ मा हुने भएको छ ।

सोमबार बसेको एनओसीको बोर्ड बैठकले सेप्टेम्बरको पहिलो साता नयाँ नेतृत्वका लागि निर्वाचन गर्ने मिति तय गरेको हो ।

एनओसीले सेप्टेम्बरको पहिलो साता निर्वाचन गर्ने तयारी सहित अन्तराष्ट्रिय ओलम्पिक कमिटिमा पत्राचार गरेको थियो ।

आईओसीले प्रस्तावित मितिलाई स्विकृती प्रदान गरेसंगै एनओसीले नयाँ निर्वाचनको मिति तोकेको हो ।

बैठकले निर्वाचन सम्पन्न गर्न लोकभक्त राणाको संयोजकत्वमा तीन सदस्यीय निर्वाचन समिति गठन गरेको छ । समितिमा राधिका खतिवडा र भिम थापा रहेका छन् ।

पछिल्लो निर्णयसंगै दक्षिण एसियाली खेलकुद प्रतियोगिता साग अगाडीनै एनओसीको नयाँ नेतृत्वका लागि निर्वाचन हुने पक्का भएको हो ।