विलियम्सनको शतकमा वेष्ट इण्डिजलाई मध्यम लक्ष्य

एजेन्सी । इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेटमा न्युजिल्याण्डले वेष्ट इण्डिजलाई जितका लागि २९२ रनको मध्यम लक्ष्य प्रस्तुत गरेको छ ।

म्यानचेस्टरमा टस हारेर पहिले ब्याटिङ गरेको न्युजिल्याण्डले ५० ओभरमा ८ विकेट गुमाएर २९१ रन बनायो । 

न्युजिल्याण्डका लागि कप्तान केन विलियम्सनले शतकीय इनिङ्स खेले । खराब सुरुवात गरेको न्युजिल्याण्डको लागि विलियम्सनले १४८ रन बनाए ।

यस्तै रोस टेलरले ६९ रनको अर्धशतकीय इनिङ्स खेले । जेम्स निशम २८ तथा कोलिन डी ग्राण्डहोमेले १६ रन बनाए ।

वेष्ट इण्डिजका सेल्डोन शेन कोट्रेलले ४ विकेट लिए । यस्तै कार्लोस ब्रैथवेटले २ र क्रिस गेलले १ विकेट लिए ।