एजेन्सी । स्पेन फुटबल टिमका प्रशिक्षक लुईस ईनरिके पदबाट राजीनामा दिएका छन् । ब्यक्तिगत कारण देखाउँदै उनले पदबाट राजीनामा दिएका हुन् । उनले टिम सम्हालेको ११ महिनामा पदबाट राजीनामा दिएका हुन् ।
उनलाई सहायक प्रशिक्षक रोबर्टो मोरिनोले प्रतिस्थापन गर्नेछन् ।
स्पेनिस महारथी क्लब बार्सिलोनाका पुर्व प्रशिक्षक इनरिकेले सन् २०१८ को जुलाईमा दुई बर्षको अनुबन्धन सम्झौता गरेका थिए ।
इनरिके गत मार्चबाट पारिवारिक कारण देखाउँदै अनुपस्थित रहेको स्पेनिस फुटबल महासंघले जनाएको छ ।
सन् २०१८ को विश्वकपको अन्तिम १६ बाट स्पेन बाहिरिएपछि इनरिकेले टिम हेर्ने मुख्य जिम्मेवारी पाएका थिए ।
'यो निर्णय इनरिकले लिएका हुन् । हामी निकै आभारी छौ ।' स्पेनिस फुटबल महासंघका अध्यक्ष लुईस रुबेल्सले भनेका छन् ।
'हामीसंग निकै राम्रा सम्झनाहरु छन् । यो उनको ब्यक्तिगत कारण थियो । जो हामीमा निर्भर थिएन । हामीलाई लाग्छ, यो सहि चिज हो ।' उनले भनेका छन् ।
नेसन्स लिगबाट स्पेन बाहिरिएपछि इनरिकेको पद छाडेका हुन् । उनको टिम सेमिफाईनलमा पराजित भएको थियो ।
अन्तरिम प्रशिक्षक मोरिनोको नेतृत्वमा स्पेनले पछिल्ला तीन खेल जितेको छ । स्पेनले युरो छनोटमा अगामी डिसेम्बरमा रोमानियासंग खेल्दैछ ।
'मलाई विश्वास गरेकोमा धन्यबाद दिन चाहन्छु । यो निकै स्मरणीय दिन हो ।' मोरिनोले भनेका छन्, 'म यसरी मुख्य प्रशिक्षक बन्छु भन्ने सोचेका थिए । लुईसले सुरु गरेको कामलाई उचाईमा पु¥याउने कोशिश हुनेछ ।'
-1746755007.webp)
