खेलमा फर्कियो क्रोएसिया, क्रमारीचको गोल

एजेन्सी । फिफा विश्वकप फुटबलको अन्तिम क्वाटरफाइनलमा अहिले आयोजक रुस र क्रोएसियाले प्रतिस्पर्धा गरिरहेका छन् ।

फिष्ट ओलम्पिक स्टेडियम जारी खेलमा १ - ० ले पछि परेको क्रोएसिया खेलमा फर्किएको छ ।  क्रोएसियाका लागि आन्द्रेज क्रमारीचले बराबरी गोल फर्काए । 

यसअघि खेलको ३१ औं मिनेटमा डेनिस चेरिसेभले गोल गर्दै घरेलु टोलीलाई सुरुवाती अग्रता दिलाएका थिए । चेरिसेभको यो विश्वकपमा चौथो गोल हो ।

दुवै टोली जित निकाल्ने योजनामा रहेका छन् । बिजेताले सेमिफाइनलमा इंग्ल्यान्डसंग खेल्ने छन् ।

रुसले टाईब्रेकरमा स्पेनलाई स्तब्ध बनाउदै उसले अन्तिम ८ को यात्रा तय गरेको हो । क्रोएसियाले पनि टाईब्रेकरमा डेनमार्कलाई हराउदै अन्तिम ८ मा स्थान बनाएको हो ।