पारा टेबल टेनिस सुरु

काठमाडौं । राष्ट्रिय खेलकुद परिषद्को आयोजनामा प्रथम बृहत राष्ट्रिय पारा खेलकुदअन्तर्गत पाँचौं राष्ट्रिय पारा टेबलटेनिस प्रतियोगिता शुक्रबारदेखि जोरपाटीमा सुरु भएको छ ।

व्हीलचेयरतर्फ पुरुषमा १४ र महिलामा १२ खेलाडी सहभागी छन् । स्ट्यान्डिङको पुरुषमा २४ र महिलामा २० खेलाडीले सहभागिता जनाएका छन् ।

प्रतियोगिताको नेपाल पारा ओलम्पिक कमिटीका महासचिव कुमार पौडेलले एक कार्यक्रमबीच उद्घाटन गरे ।

प्रतियोगिता शनिबार सम्पन्न हुनेछ ।