सुदुरपश्चिमद्वारा प्रदेश ५ लाई मध्यम लक्ष्य

काठमाडौं । प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा सुदुरपश्चिम प्रदेशले जितका लागि प्रदेश ५ लाई १८९ रनको मध्यम लक्ष्य दिएको छ ।

 

कीर्तिपुरस्थित टियु मैदानमा टस जितेर पहिले ब्याटिङ गरेको सुदुरपश्चिमले ४९ ओभर ५ बलमा अलआउट हुँदै १८८ रन बनायो ।

 

सुदुरपश्चिमका लागि खडक बोहराले ६२ रनको अर्धशतकीय इनिङ्स खेले । यस्तै नरेश बोहराले ३१,नरेन्द्र साउदले २१ तथा लोकेश बमले १९ रन बनाए ।

 

प्रदेश ५ का लागि जितेन्द्र सहानी, सिदान्त शाही र कृष्ण कार्कीले २/२ किकेट लिए  ।

 

अघिल्ला खेल गुमाएका दुवै टोली आज पहिलो जित निकाल्ने लक्ष्यसहित मैदान उत्रिएका छन् ।  

 

अघिल्लो चरण प्रवेशका लागि गणितीय सम्भावना कायम राख्न दुवै प्रदेशलाई जित आवश्यक रहेको छ । सुदुरपश्चिम प्रदेश पहिलो खेलमा एपीएफसंग पराजित भएको थियो ।  यस्तै प्रदेश ५ पहिलो खेलमा प्रदेश ३ संग पराजित भएको थियो ।  

 

समूह 'ए' मा रहेका दुवै टोलीले अंक जोड्न सकेका छैनन् ।  एक खेलमा एक हार भोगेको सुदुरपश्चिम अंक तालिकाको तेस्रो स्थानमा रहेको छ भने प्रदेश ५ पुछारमा रहेका छन् ।