फिफा विश्वकप : स्विडेन र स्विजरल्याण्डबीचको खेल सुरु

एजेन्सी । रुसमा जारी फिफा विश्वकप फुटबल अन्तर्गत प्रि क्वार्टरफाईनलको खेलमा अहिले स्विडेन र स्विजरल्याण्डले प्रतिस्पर्धा गरिरहेका छन् ।

सेन्ट पिटर्सबर्ग स्टेडियममा दुवै टोली जित निकाल्ने लक्ष्यसहित मैदान उत्रिएका छन् । त्यसैले आज दुवै टोली  अन्तिम ८ प्रवेशका लागि कोशिश गर्नेछन् ।

२४ बर्षपछि स्विडेन विश्वकपको अन्तिम ८ को नजिक पुगेको हो । सन् १९९४ मा अमेरिकामा भएको विश्वकपमा स्विडेनले तेस्रो स्थान हात पारेको थियो ।

सन् १९५४ को विश्वकपको आयोजना गरेको स्विजरल्याण्डले त्यसयता विश्वकपको अन्तिम ८ मा स्थान बनाउन सकेको छैन् ।