रहेनन् आरसिटीका प्रशिक्षक कपाली

काठमाडौं । रानीपोखरी कर्नर टिम आरसिटीका प्रशिक्षक बैजनाथ कपालीको निधन भएको छ । मस्तिष्क घात भएपछि अस्पतालमा भर्ना गरिएका कपालीको ६८ बर्षको उमेरमा मंगलबार निधन भएको हो ।

लामो समय नेपाली फुटबलमा योगदान गरेका कपालीले ३९ सालयता आरसिटीको प्रशिक्षकको भुमिकामा रहेका थिए । आरसिटीकै पुर्व खेलाडी समेत रहेका उनी क्लबका पुर्व सचिव समेत थिए ।

राष्ट्रिय खेलकुद परिषदका अवकास प्राप्त फुटबल प्रशिक्षक कपालीका श्रीमती, दुई छोरी र एक छोरा रहेका छन् ।

उनकै आजै काठमाडौंको पशुपतिमा अन्तिम दाहसंस्कार गरिएको क्लबका सचिव राजु शाहीले खेलपाटीलाई बताए ।