मोरङ सेमिफाईनलमा, च्यासल २–१ ले पराजित

ललितपुर । च्यासल युथ क्लबलाई पराजित गर्दै मोफसलको मोरङ फुटबल क्लब ललित स्मृति अन्डर १८ फुटबल च्याम्पियनसिपको सेमिफाईनलमा प्रवेश गरेको छ ।
सातदोबाटोस्थित एन्फा टेक्निल सेन्टरमा भएको खेलमा मोरङले च्यासललाई २–१ गोल अन्तरले पराजित ग¥यो ।

मोरङको जितमा नायक रहे आशिष चौधरी । दुवै गोल उनैले गरे । ७३ औ मिनेटमा पहिलो गोल गरेका उनले ८१ औ मिनेटमा दोस्रो गोल गरेका थिए । च्यासलका रोशन भुजेलले खेल सकिन एक मिनेट बाँकी छदाँ सान्त्वना गोल फर्काए । खेलको म्यान अफ दि म्याच मोरङका आशिष चोधरी भए । 

मोरङ समुह बीको विजेता बन्दै अन्तिम ८ मा प्रवेश गरेको हो भने समुह सीको उपविजेताको रुपमा च्यासलले क्वार्टरफाईनलमा स्थान बनाएको हो ।

मोरङले अब फाईनल प्रवेशकालागि विभागीय टिम आर्मी र हिमालयन शेर्पा क्लबबीचको विजेतासंग खेल्नेछ ।