नेपालको लगातार चौथो हार

काठमाडौं । बंगलादेशमा जारी फिबा एसिया कप २०२१ को साबा प्रि-क्वालिफायर प्रतियोगितामा नेपालले लगातार चौथो हार बेहोरेको छ । शुक्रबार भएको खेलमा आयोजक बंगलादेशसंग पराजित हुँदै नेपालले चौथो हार बेहोरेको हो ।

बंगलादेशको ढाकामा भएको खेलमा नेपाल घरेलु टोलीसंग ७९ – ६६ अंकले पराजित भयो ।  यसअघि नेपाल पहिलो खेलमा माल्दिभ्स, दोस्रो खेलमा भुटान र तेस्रो खेलमा श्रीलंकासंग पराजित भएको थियो । 

प्रतियोगितामा नेपाल सहित बंगलादेश, श्रीलंका, भु्टान र माल्दिभ्सले सहभागिता जनाएका थिए । योसंगै नेपाल प्रतियोगितामा जितबिहिन बनेको छ ।