आरती र माला सेमिफाइनलमा

काठमाडौं । त्रिभुवन आर्मी क्लबकी आरती तामाङ र एपीएफ क्लबकी माला राई राजधानीमा जारी प्रकाश दाहाल स्मृति खुला राष्ट्रिय बक्सिङ प्रतियोगिताको सेमिफाइनलमा प्रवेश गरेकी छिन् ।

महिला ५१ केजी तौलसमूहमा आरती र माला राईले सेमिफाइनलको यात्रा तय गरेकी हुन् । तौल समूहमा आर्मीकै गिताकुमारी थापा र मकवानपुरकी सन्जुमाया थिङले पनि सेमिफाईनलमा स्थान पक्का गरिन् ।

महिला ४८ केजीमा आर्मीकी सुमित्रा बिक, एपीएफकी नन्जा बुढामगर, अल्फाकी बिमला थापामगर र एपीएफकी साबित्री तामाङले सेमिफाइनलमा स्थान बनाए ।

महिला ५४ केजीमा आर्मीकी मिनु गुरुङ र एपीएफकी निता गोसाईले अन्तिम चारमा स्थान बनाए । त्यस्तै महिला ५७ केजीमा नक्शालकी कुसुम तामाङले सेमिफाईनलमा स्थान बनाईन् । महिला ६४ केजीतर्फ आर्मीकी बिनिता थापामगरले सेमिफाईनलको यात्रा तय गरिन् ।

लैनचौरस्थित राष्ट्रिय टेवलटेनिस प्रशिक्षण केन्द्रमा जारी प्रतियोगिताको पुरुष ४९ केजीमा आर्मीका शुशिल थापा,एपीएफका आस तामाङ,प्रदिप महर्जन र कास्कीका बिष्णु गौतम सेमिफाईनलमा प्रबेश गरेका छन् । पुरुष ५२ केजीमा चितवानका ओम परियार,आर्मीका बिकास राई,डोलबहादुर चौधरी र एपीएफका बिकास परियारले अन्तिम चारमा स्थान बनाए ।

पुरुष ५६ केजीमा झापाका जितेन्द्र राई,सुरेन्द्र राई,कास्कीका दिनेश बानिया र एपीएफका पुरन राईले सेमिफाईनलमा स्थान पक्का गरेका छन् । पुरुष ६० केजीमा कन्चनपुरका रामवहादुर थापा,झापाका प्रकाश लिम्बु इजम,आर्मीका दानवहादुर दलामी र नक्शालकी किशोर शर्माले सेमिफाईनलमा स्थान बनाए ।

पुरुष ६४ केजीमा आर्मीका नरेश थापा,बुद्धिसगर गुरुङ,एपीएफका सोनम कार्की र झापाका अभिनय राईले अन्तिम चारमा स्थान पक्का गरेका छन् । पुरुष ६९ केजीमा आर्मीका रबि सुनार,सन्जित ब्यान्जु,काठमाण्डौका सरियान्स प्रजापति र कास्कीका हेमराज राउतले सेमिफाईनलमा स्थान बनाएका छन् ।

पुरुष ७५ केजीमा बानुजका कौशलजंग थापा,आर्मीका लाल आलेमागर,किरणराज शाही र झापाका प्रेम गुरुङले सेमिफाईलमा स्थान बनाएका छन् । पुरुष ८१ केजीमा कास्कीका दिपक सुनुवार,टिकाथलीका रबिन्द्र धिमिरे र आर्मीका भुपेन्द्र सिंहले अन्तिम चारमा स्थान पक्का गरेका छन् ।