'कोहली आधा कप्तान'

एजेन्सी । भारतका पूर्व कप्तान बिशन सिंह बेदीले भारतीय क्रिकेट टोलीका कप्तान विराट कोहली टिमको आधा कप्तान भएको बताएका छन् ।

पन्जाबमा पाहुना टोली अष्ट्रेलियाविरुद्धको चौंथो एकदिवसीयमा भारत ४ विकेटले पराजित भएपछि पुर्व कप्तान बेदीले कोहलीलाई आधा कप्तानको रुपमा चित्रण गरेका हुन् ।

पूर्व कप्तान बेदीले टिममा महेन्द्र सिंह धोनीको अनुपस्थितिमा कप्तान कोहली एक्लैले जित दिलाउन नसक्ने बताए ।

‘धोनी युवा तथा फुर्तिलो छैनन् तर टिमलाई उनको आवश्यक छ,’ पूर्व कप्तान बेदीले भने, ‘धोनीलाई आराम किन दिइयो । ब्याटिङमा उनको कमी भएको थियो । कोहली एक तर्फबाट आधा कप्तान हो ।’

चौंथो खेलमा भारतले दिएको ३५९ रनको लक्ष्य अष्ट्रेलियाले ४७ ओभर ५ बलमा ६ विकेट गुमाएर पुरा गरेको थियो ।

दुई बीचको सिरिज २-२ को बराबरीमा रहेको छ ।