युएफसी फाइटर मेक ग्रिगोर पक्राउ

एजेन्सी । युएफसी बक्सर कोनोर मेक ग्रिगोर अमेरिकामा पक्राउ परेका छन् । एक समर्थकलाई दुर्व्यवहार गरेको आरोपमा ग्रिगोर फ्लोरिडामा पक्राउ परेका हुन् ।

३० बर्षीय आइरिस बक्सर ग्रिगोरलाई मियामी समुद्री किनारमा सोमबार पक्राउ गरिएको बीबीसीले जनाएको छ ।

प्रहरीले ग्रिगोरले एक समर्थकको मोबाइल फोन कब्जा गरेको र फुटाउने प्रयास गरेको आरोपमा पक्राउ गरिएको जनाएको छ ।

२२ बर्षे एक समर्थकले ग्रिगोरसंग सेल्फी खिच्दै गर्दा ग्रिगोरले उनको फोन भुईमा झारिदिनुका साथै कब्जामा लिएका थिए ।

ग्रिगोरले मोबाइल फुटाइदिएपछि समर्थकले प्रहरीमा उजुरी गरेका थिए । उनको मोबाइलको मूल्य १ हजार पाउण्ड रहेको बताईएको छ ।

पुर्व युएफसी च्याम्पियन ग्रिगोर युएफसी फाइटका लागि तयारी गरिरहेका छन्  ।