नेपालको लगातार दोस्रो हार, दोस्रो खेलमा भुटानसंग पराजित

काठमाडौं । बंगलादेशमा जारी फिबा एसिया कप २०२१ को साबा प्रि-क्वालिफायर प्रतियोगितामा नेपालले लगातार दोस्रो हार बेहोरेको छ ।

बंगलादेशको ढाकामा बुधबार भएको दोस्रो खेलमा नेपाल भुटानसंग पराजित भएको हो  ।  नेपाललाई भुटानले ६८ – ६५ को स्कोरले हराएको हो । पहिलो क्वाटरमा अग्रता बनाएपनि त्यसपछिको क्वाटरमा उत्कृष्ट प्रदर्शन गर्न नसक्दा नेपाल पराजित भएको हो । 

यो हारसँगै नेपालको शीर्ष दुईमा पुग्ने सम्भावना कमजोर बनेको छ ।  नेपाल पहिलो खेलमा माल्दिभ्ससँग पराजित भएको थियो । अब नेपालले बिहिबार श्रीलंकासँग  खेल्ने छ । 

प्रतियोगितामा नेपाल सहित बंगलादेश, श्रीलंका, भु्टान र माल्दिभ्सले सहभागिता जनाएका छन् । प्रतियोगितामा शीर्ष दुईमा पर्ने टोली डिभिजन टु्मा छनोट हुनेछ । डिभिजन टुको शीर्ष दुई भित्र पर्ने टोलीले अन्तिम चरणको छनोटमा प्रवेश पाउने छ ।