५ खेलपछि काँक्रेविहारलाई पहिलो अंक

काठमाडौं। काँक्रेविहार क्लबले राष्ट्रिय लिगमा चित्लाङ फुटबल क्लबसँग बराबरी खेलेको छ।

सातदोबाटोस्थित एन्फा कम्प्लेक्समा बुधबार सम्पन्न खेलमा काँक्रेविहारलाई २–२ गोलको बराबरीमा रोक्दै चित्लाङले अंक बाँडेको हो।

यो बराबरीसँगै काँक्रेविहारले लिगको अंक तालिकामा खाता खोलेको छ। लिगमा ५ खेल खेलेको काँक्रेविहारले १ अंक जोडेको छ। त्यस्तै, एक खेल बढी खेलेको चित्लाङको ६ अंक छ।

खेलको २३औं मिनेटमा काँक्रेविहारका बुद्धि बुढाले प्रहार गरेको फ्री किकलाई चित्लाङका गोलकिपर सन्तोष महतले बचाउ गरे। २८ औं मिनेटमा सुपबहादुर शाहीले दिएको पास भरत नेपालले प्रहार गरे पनि लक्ष्य भेट्न सकेन।

तर, त्यसको एक मिनेटपछि नै भरतले सानदार गोल गर्दै काँक्रेविहारलाई सुरुआती अग्रता दिलाए। ७६ औं मिनेटमा चेतनकुमार थारुले गोल गर्दै चित्लाङलाई बराबरीमा ल्याए।

८६औं मिनेटमा रोन थापाले गोल गर्दै चित्लाङ २–१ को अग्रता दिलाए। दोस्रो हाफको इन्जुरी समयमा सन्दीप देउवाले गोल गर्दै काँक्रेविहारलाई पुन: खेलमा फर्काउने प्रयास गरे पनि खेल बराबरीमा टुंगियो।