मनाङ र संकटाको बराबरी

काठमाडौं। राष्ट्रिय लिगमा मनाङ मर्स्याङ्दी क्लब र संकटा क्लबले बराबरी खेलेको छ।

त्रिपुरेश्वरस्थित दशरथ रंगशालामा मंगलबार सम्पन्न खेलमा मनाङ र संकटाले गोलरहित बराबरी खेल्दै अंक बाँडेका हुन्। लिगमा मनाङले ५ खेलमा ४ अंक जोडेको छ।

एक खेल बढी खेलेको संकटाको ६ अंक छ। खेलको सुरूआतदेखि नै आक्रामक खेलेको मनाङले पहिलो हाफमा गोल गर्ने राम्रो अवसर सिर्जना गरेको थियो। तर, मनाङ गोल गर्नबाट चुक्यो।

राम्रो अवसर पाएपनि दुवै टोलीले गोल गर्न नसक्दा पहिलो हाफ गोलरहित बराबरीमा सकिएको थियो। ५८औं मिनेटमा संकाटाको विवेक मगरको पासमा दिलान लिम्बूले प्रहार गरेको गोललाई मनाङको गोलकिपर विशाल केसीले उत्कृष्ट बचाउ गर्दै टोलीलाई संकटबाट बचाए।

६५औं मिनेटमा संकटाका सविनकुमार लुङ्गेली मगरले लामो प्रहारलाई मनाङको गोलकिपर विशाल केसीले दोस्रो प्रयासमा उत्कृष्ट बचाउ गरे।

खेलमा निर्धारित र इन्जुरी समयमा दुवै टोलीले गोल गर्न नसक्दा खेल गोलरहित बराबरीमा सकिएको हो।