संकटाको प्रभावशाली जित

काठमाडौं। संकटा फुटबल क्लबले राष्ट्रिय लिगमा पहिलो जित दर्ता गरेको छ।

च्यासल स्टेडियममा आइतबार सम्पन्न खेलमा संकटाले काँक्रेविहार क्लबमाथि ४–० को प्रभावशाली जित निकालेको हो।

जितसँगै संकटाले २ खेलबाट ४ अंक पुर्‍याएको छ। काँक्रेविहारको भने योलगातार दोस्रो हार हो।

संकटाको जितम अनिस महर्जन,कृष्णबहादुर आले, विशाल तामाङ र वेन्डपाङ्गा गिल्बर्ट बिल्गोले समान १ गोल गरे।

खेलको १४औं मिनेटै अनिशको गोलमार्फत संकटाले सुरुआती अग्रता लिएको थियो।

पहिलो हाफको इन्ज्युरी समयको चौथो मिनेटमा कृष्णले अग्रता दोब्बर बनाए।

५४औं मिनेटमा विशाल र ७४औं मिनेटमा बिल्गोले गोल गर्दै संकटाको जित पक्का गरे।