अर्धशतकमा पनि विदेशीको एकलौटी, छायामा परे नेपाली खेलाडी

काठमाडौं। नेपाल प्रिमियर लिग (एनपीएल)को दोस्रो संस्करणको लिग चरणमा ३५ अर्धशतक प्रहार भएका छन्।

आइतबार लिग चरणको अन्तिम खेलमा जनकपुर बोल्ट्सका सञ्जय कृष्णमूर्तिले कर्णाली याक्सविरुद्ध ५० रन पूरा गरेसँगै अर्धशतकको संख्या ३५ पुगेको हो। उनले कर्णालीविरुद्ध ३७ बलमा १ चौका ४ छक्का प्रहार गरे।

उनको जारी सिजनमा दोस्रो अर्धशतकसमेत हो। यस सिजन २९ खेलाडीले ३५ अर्धशतक प्रहार गरेका हुन्। जसमा ७ जना मात्र नेपाली छन्। यसअघि जारी सिजनमा चितवन राइनोजका रवि बोपराले तीन, पोखरा एभेन्जर्सका कुशल भुर्तेल, पोखराकै एडम रोसिङटनले र कर्णाली याक्सका प्रियांन्क पन्चालले दुई/दुई अर्धशतक हिर्काएका छन् ।

यस्तै, सुदूरपश्चिम रोयल्सका विनोद भण्डारी, जोश ब्राउन, हरमित सिंह, क्रिश लिन, ईशान पाण्डे, विराटनगर किंग्सका लोकेश बम, साम हिजलेट, फाफ डू प्लेसिस, मार्टिन गुप्टिल, बसिर अहमद, पोखराका सुमित बर्मा, जिमी निशम, रिसि धवन, चितवनका डेविड मलान र अर्जुन साउँद, काठमान्डु गोर्खाजका भीम सार्की, जोन सिम्प्सन, बेन चाल्र्सवर्थ, कर्णालीका मार्क वाट, लुम्बिनीका डार्सी सर्ट, जनकपुर बोल्ट्सका वायन पार्नेल, माज सदाकत, अनिल शाह र आशिफ शेखले एक/एक अर्धशतक हिर्काएका छन् ।

कर्णालीका मार्क वाट र पोखराका एडम रोसिङटनले मात्रै जारी प्रतियोगितामा शतक प्रहार गरेका छन् ।