वर्ल्ड युनियन क्वानकिडो कार्यशाला काठमाडौंमा सुरु

काठमाडौं। वर्ल्ड युनियन क्वानकिडोको दोस्रो अन्तर्राष्ट्रिय प्राविधिक कार्यशाला बिहीबारबाट काठमाडौंमा सुरु भएको छ।

नेपाल क्वानकिडो एशोसिएसनको आयोजनामा तथा वर्ल्ड युनियन क्वानकिडो (इटाली) को प्राविधिक सहयोगमा नयाँबजारस्थित मल्टिपर्पोज मार्शल आर्ट केन्द्रमा कार्यशाला सञ्चालन भइरहेको हो।

कार्यशालामा युरोपका वरिष्ठ प्रशिक्षकहरूको टोली वर्ल्ड युनियन क्वानकिडोका टेक्निकल डायरेक्टर मास्टर रोबर्टो भिस्माराको नेतृत्वमा सहभागी छन्।

अक्टोबर ९ र १० सम्म चल्ने यो कार्यशालामा करिब ५० नेपाली प्रशिक्षकहरू सहभागी छन्।

नेपाल क्वानकिडो एशोसिएसनका अध्यक्ष भुवन बुढामगरका अनुसार यसले नेपालमा क्वानकिडो खेलको प्राविधिक स्तर र दक्षता बढाउन सहयोग गर्नेछ।