नेपालको ३ रनको हार

काठमाडौं । मलेसिया भ्रमणमा रहेको राष्ट्रिय महिला क्रिकेट टिमले पहिलो खेलमा ३ रनको हार ब्यहोरेको छ ।

बिहीबार कोलालाम्पुरमा नेपालको महिला टिमले टी ट्वान्टी सिरिजको पहिलो खेलमा ३ रनको हार ब्यहोरेको हो ।

पहिले ब्याटिङ गरेको मलेसियाले ५ विकेट गुमाएर १ सय ४ रन बनाएको थियो ।

कप्तान बिनीफ्रेड दुरैसिंगमको २७, ओपनर एना हासिमको २६ रन र मास एलिसाको २५ रनमा मलेसियाले मध्यम स्कोर खडा गरेको थियो ।

नेपालकी सोमु विष्टले २ तथा रुबिना क्षेत्रीले एक विकेट लिएकी थिईन् ।

जवाफी ब्याटिमा उत्रिएको नेपालले ७ विकेट गुमाएर १ सय १ रनमात्र बनाउन सक्यो । पुजा महतोले ३० रन बनाउनु बाहेक अन्यको प्रर्दशन उल्लेख्य रहन सकेन ।

सम्झना खड्काले १८ र कबिता जोशीले नटआउट १३ रन बनाईन् । कप्तान ईन्दु वर्मा १२ रनमा आउट भईन् । अन्यले दोहोरो अंकको स्कोर छुन सकेनन् ।

मलेसियाकी कप्तान दुरेसिंगमले तीन तथा नुर स्युहादा र ऐसाया एलिसाले समान दुई दुई विकेट लिए ।

मलेसिया भ्रमणमा रहेको नेपालले पाँच म्याचको टी ट्वान्टी सिरिज खेल्ने कार्यक्रम छ