तीन खेलाडी परिवर्तन गर्दै यु-१७ एसियन कप छनोट खेल्ने टोली घोषणा

काठमाडौं। भूमिका बूढाथोकीको कप्तानीमा एएफसी यु-१७ महिला एसियन कप छनोट खेल्ने नेपाली टोली घोषणा गरिएको छ।

अखिल नेपाल फुटबल संघ (एन्फा)ले शनिबार २३ सदस्सीय टोली घोषणा गरेको हो। टोलीमा गत महिना भुटानको थिम्पुमा सम्पन साफ यु-१७ महिला च्याम्पियनसिप खेलेका तीन खेलाडी परिवर्तन भएका छन्।

मुख्य प्रशिक्षक चेतनारायण श्रेष्ठले गोलकिपर गंगा गुरुङको स्थानमा भूपिका शाहीलाई मौका दिएका छन्।

यस्तै सेन्ट्रल मिडफिल्डर दिकी स्याङ्बो तामाङको स्थानमा आयुषा रेउलेले आफ्नो स्थान सुरक्षित गरेकी छन्। दीक्षा रानपालको स्थानमा स्ट्राइकर पूजा गिरी टोलीमा आएकी छन्।

थाइल्यान्डमा हुने प्रतियोगितामा नेपाल समूह ‘एफ’मा छ। यो समूहमा नेपाल र घरेलु टोलीसँगै तुर्कमेनिस्तान

छ। नेपालले अक्टोबर १५ मा तुर्कमेनिस्तान र १७ मा थाइल्यान्डसँग प्रतिस्पर्धा गर्नेछ। सिंगल राउन्ड रोविन हुने खेलेमा समूहको शीर्ष स्थानमा रहने टोलीले अर्को वर्ष चीनमा हुने एसियन कपको स्थान बनाउने छ।

नेपाली टोली

गोलकिपर

झरना डुम्राकोटी, लक्ष्मी ओली, भूपिका शाही

डिफेन्डर

दीक्षा रायमाझी, अलिजाकुमारी विक, ग्यान्सु डोल्मा लो, सम्झना चन्द, पूर्णिमा ताडी, अनु माझी, मिनमाया श्रेष्ठ, अन्सु विक

मिडफिल्डर

रवीना विक, कृतिशा तामाङ, आशिका कार्की, सहारा लिम्बू, बबतिका कार्की, भूमिका बुढाथोकी, आयुषा रेउले, सृजना बडुवाल

फरवार्ड

अस्मिता मगर, पूजा गिरी, यमकुमारी विक, अनिता रानामगर