निजगढ। निजगढकी अनु माझी भुटानमा हुने साफ यु–१७ महिला च्याम्पियनसिप खेल्ने टोलीमा अटाएकी छन्।
अखिल नेपाल फुटबल संघ (एन्फा)ले आइतबार घोषणा गरेको २३ सदस्यीय टोलीमा निजगढ फुटबल क्लबकी उत्पादन अनु पनि परेकी हुन्। यु-१७ टोली बनाउन लागि एन्फाले देशव्यापी खुल्ला छनोटको आयोजना गरेको थियो ।
आगामी अगस्ट २० देखि ३१ सम्म सञ्चालन हुने प्रतियोगितामा नेपालसहित आयोजक भुटान, भारत र बंगलादेशले प्रतिस्पर्धा गर्नेछ । प्रतियोगिताको उद्घाटन खेलमा नेपालले अगस्ट २० मा भारतसँग प्रतिस्पर्धा गर्नेछ ।
निजगढ फुटबल क्लबले निरन्तर रुपमा सञ्चालन गरिरहेको नियमित प्रशिक्षणको परिणाम स्वरुप विभिन्न उमेर समूह हुँदै सिनियर राष्ट्रिय टोलीमा समेत खेलाडीहरूको सहभागिता गराउन सफल भएको क्लबका प्रशिक्षक सन्तोष गुरुङले बताइ।
नेपाली राष्ट्रिय फुटबल टोलीका फरवार्ड समीर तामाङ, यु-२० महिला फुटबल टोलीकी गोलरक्षक करुण बूढाथोकीसहित यसअघि यु-१७ नेपाली महिला फुटबल टोलीबाट खेलिसकेकी दिलमाया घिसिङ र यु-१६ नेपाली फुटबल टोलीबाट खेलेका समीर माझी निजगढ फुटबल क्लबका उत्पादन हुन्।
नेपाली टोली
गोलरक्षक :
झरना डुम्राकोटी, लक्ष्मी ओली र गंगा गुरुङ
डिफेन्डर:
अनु माझी, ग्यान्शु डोल्मा लो, दिक्षा रायमाझी, सम्झना चन्द, एलिजाकुमारी विश्वकर्मा, पूर्णिमा तादी, मीनमाया श्रेष्ठ र अंशु विश्वकर्मा
मिडफिल्डर :
डिकी स्याङ्बो तामाङ, कृतिशा तामाङ, रविना विश्वकर्मा र सहारा लिम्बू
विङ्गर :
बबिता कार्की, भूमिका बूढाथोकी, आशिका कार्की र सृजना बडुवाल
फरवार्ड :
अस्मिता मगर, यमकुमारी विश्वकर्मा, अनिता रानामगर र दिक्षा रनपाल
-1754843967.webp)
