काठमाडौं। सोजन विक र समिप रमौलीमगरको ह्याट्रिकसँगै फ्रेन्ड्स क्लबले एन्फा यु–१६ युथ लिगमा सहज जित हात पारेको छ।
सातदोबाटोस्थित एन्फा कम्प्लेक्समा बिहीबार सम्पन्न खेलमा फ्रेन्ड्सले सातदोबाटो युथ क्लबविरुद्ध ७–२ ले पराजित गरेको हो।
फ्रेन्ड्सलाई जित दिलाउन सोजन र समिपबाहेक अनिश बिटालुरोकाले एक गोल गरे। सातदोबाटोका लागि दुवै गोल अपिल धिमालले गोल गरेका हुन्।
जितसँगै १२ खेलमा २५ अंक जोडेको फ्रेन्ड्स दोस्रो स्थानमा उक्लिएको छ । सबै खेलमा पराजित सातदोबाटो अंकविहीन छ।
