एसियन पावरलिफ्टिङ च्याम्पियनसिप साउन ३० देखि

काठमाडौं। नेपाली युथ फिटनेस एन्ड केलिस्थेनिक्सको आयोजनामा नेपालमा पहिलो पटक अन्तर्राष्ट्रिय स्तरको एसियन पावरलिफ्टिङ च्याम्पियनसिप हुने भएको छ।

साउन ३० देखि भदौ १ गतेसम्म काठमाडौंमा हुने प्रतियोगितामा नेपाल, भारत, अस्ट्रेलिया, श्रीलंका, पाकिस्तानलगायत विभिन्न एसियाली मुलुकका झन्डै १२० खेलाडी सहभागी हुने आयोजकले दाबी गरेका छन्।

यी खेलाडीले १६ वटा तौल (८ पुरुष/८ महिला) र १२ वटा उमेर समूह (६ पुरुष/६ महिला) गरी १२८ फरक–फरक समूहहरूमा प्रतिस्पर्धा गर्नेछन्।

प्रतियोगितामा प्रत्येक समूहका शीर्ष तीन स्थान हासिल गर्ने खेलाडीलाई मेडलसहित पुरस्कार प्रदान गरिनेछ।