स्पेनी महिलाको फुटबलमा क्रान्ति

काठमाडौं। स्पेनको महिला राष्ट्रिय फुटबल टोलीले पछिल्लो दशकमा विश्व च्याम्पियनसम्मको यात्रा तय गरिसकेको छ। तर, यो यात्रा सहज भने बिल्कुलै रहेन।

खराब प्रशिक्षण, ट्राभल सुविधा र अव्यवस्थित व्यवस्थापनसँग संघर्ष गर्दै आएको यस टोलीले २०२३ को महिला विश्वकप उपाधि जितेको थियो। त्यसको एक वर्षमै नेसन्स लिगको उपाधि जित्यो। यही टोली अब आइतबार युरोपियन च्याम्पियनसिपको फाइनलमा इंग्ल्यान्डसँग भिड्दैछ।

राष्ट्रिय टोलीका लागि उपयुक्त काम गर्ने अवस्था सुनिश्चित गर्न हामीले लगातार संघर्ष गर्नुपर्‍यो, पूर्व डिफेन्डर मार्टा तोरेखोनले एसोसिएटेड प्रेसलाई फोनमा भनिन्।

तोरेखोनले विगतका कठिन दिनहरू स्मरण गर्दै भनिन्,‘म राष्ट्रिय टोलीको लागि खेल्न मन पराउँथे। तर, तयारी र खेलाडीप्रतिको ध्यान अत्यन्त न्यून थियो। बार्सिलोनाको अभ्यासको स्तरभन्दा निकै तलको अवस्था थियो।’

९० पटक राष्ट्रिय टोलीको प्रतिनिधित्व गरेपछि तोरेखोनले सन् २०१९ मा सन्न्यास लिइन्। त्यसपछि उनले बार्सिलोनाबाट तीन पटक च्याम्पियन्स लिग जितेकी छन्।

२०१५ विश्वकपपछि तोरेखोनलगायत केही खेलाडीहरूले लामो समयदेखि टोलीको जिम्मा लिइरहेका प्रशिक्षक इग्नासियो क्वेरेडालाई हटाउन सफल भए। उनलाई खेलाडीहरूले मानसिक दुर्व्यवहारको आरोप पनि लगाएका थिए।

तोरेखोनले पछि आएका प्रशिक्षक जोर्ज भिड्लाले टोलीमा केही सुधार गरे। तर, अझै धेरै नतिजा निकाल्न बाँकी थियो। तोरेखोनले टोली छाडेपछि त्यसको केही समयपछि १५ खेलाडीहरूले भिड्लाविरुद्ध विद्रोह गरे। 

उनीहरूको माग थियो— व्यवसायिक व्यवस्थापन। भिड्ला केही समय टिके। तर, अन्ततः खेलाडीको दबाबमा अध्यक्ष लुइस रुबियालेस र भिड्ला दुवै हटाइयो। रुबियालेस र भिड्ला बाहिरिएपछि प्रशिक्षक मोन्टसे टोमेको नेतृत्वमा स्पेनी टोलीले नयाँ युगको सुरुआत गर्‍यो। 

अब स्पेन महिला युरोमा गोल, बल पोजेसन, पासिङ एक्युरेसी र क्लिन सिटका आँकडामा अगाडि छ। सेमिफाइनलमा जर्मनीविरुद्ध १–० को जित दिलाउने गोलकर्ता आइताना बोनमातीले टोलीको विश्लेषणकर्ताबाट पाएको सल्लाहअनुसार गोलकिपरको नियर पोस्ट खाली हुने कमजोरी चिन्न सकिन् र उत्कृष्ट गोल गरिन्।

स्पेनी मिडफिल्डर पात्री गुइजारो भन्छिन्,‘हामी हाम्रो क्लबमा हरेक दिन कडा अभ्यास गर्छौं र त्यही मिहिनेत राष्ट्रिय टोलीमा पनि देखिन्छ।’ बार्सिलोनाले महिला फुटबलमा गरेको लगानीकै कारण स्पेन महिला टोली बलियो बनेको उनी बताउँछिन्। 

हालको स्पेनी टोलीमा २३ खेलाडीमध्ये ११ जना बार्सिलोनाबाट खेलिरहेका छन्। बार्सिलोनाका पूर्वअधिकारी जेभियर विलाजोआनाले २०१५–२०२० सम्म महिला टोलीलाई समान प्रशिक्षकद्वारा प्रशिक्षण गराउनु निर्णायक कदम भएको बताए।

तोरेखोनले अन्त्यमा भनिन्,‘हामी धेरै खेलाडीहरूले राष्ट्रिय टोलीका लागि सबै दिन खोज्यौं तर आजको जति सफलता पाएनौं। तर, हामीसँग प्रतिभा थियो। हामीलाई आवश्यक सिर्जनात्मक समर्थन र भरोसाको आशा थियो।’

अब त्यो विश्वास, समर्थन र मिहिनेतले स्पेनलाई युरोपियन च्याम्पियन बन्ने ढोका खोलिदिएको छ।