सिराहा। तेस्रो सहिद हेमनारायण गोल्डकप फुटबल प्रतियोगिताको अन्तिम क्वार्टरफाइनल खेलमा चित्लाङ फुटबल क्लबले प्रभावशाली प्रदर्शन गर्दै सेमिफाइनलमा प्रवेश गरेको छ।
बिहीबार सम्पन्न खेलमा उसले सर्लाहीको बागमती युथ क्लबलाई ६–१ को फराकिलो अन्तरले पराजित गर्दै अन्तिम चारमा स्थान सुरक्षित गरेको हो।
चित्लाङका लागि खेलको चौथो मिनेटमै चन्दन दासले गोल गर्दै टोलीलाई प्रारम्भिक अग्रता दिलाए। त्यसपछि खेलमा युसुप मल्लिकले चम्किलो प्रदर्शन गर्दै १६औं, २०औं र ५७औं मिनेटमा ह्याट्रिक पूरा गरे।
टोलीका विदेशी खेलाडी एडमले ३०औं मिनेटमा थप गोल गरे भने अन्तिमतर्फ अतिरिक्त समयमा जयजन्म धामीले गोल गर्दै जितलाई अझ प्रबल बनाए।
बागमती युथ क्लबका लागि एक मात्र सान्त्वना गोल दोस्रो हाफको ४९औं मिनेटमा विप्लव भुजेलले गरे। उत्कृष्ट प्रदर्शनसहित ह्याट्रिक गरेका युसुप मल्लिकलाई म्यान अफ द म्याच घोषित गरियो।
-1739018575.jpg)
