काठमाडौं। रैनक श्रीवास्तवको सानदार ब्याटिङसँगै लुम्बीनी प्रदेशले यु–१६ राष्ट्रिय क्रिकेट प्रतियोगितामा विजयी सुरुआत गरेको छ।
वीरेन्द्रनगर क्रिकेट मैदानमा मा मंगलबार सम्पन्न खेलमा लुम्बिनीले गण्डकी प्रदेशलाई ३३२ ले पराजित गरेको हो।
लुम्बिनीले दिएको ४०४ रनको विशाल लक्ष्य पछ्याएको गण्डकीले २८.२ ओभरमा सबै विकेट गुमाउँदै ७१ रन बनायो। गण्डकीका अनिश राउतले अविजित रहँदै सर्वाधिक २२ रन बनाए। उनले ६३ बलमा ४ चौका प्रहार गरे।
प्रतीक रावल १४ रनमा आउट हुँदा अन्यको प्रदर्शन राम्रो रहेन। लुम्बिनीका शुभम खनालले सर्वाधिक ५ विकेट लिए। ८ ओभर बलिङ गरेका उनले ४५ रन खर्चिए।
त्यसअघि पहिला ब्याटिङ थालेको लुम्बिनीले ४५.४ ओभरमा सबै विकेट गुमाउँदै ४०३ रनको लक्ष्य दिएको छ।
लुम्बिनीका रैनकले कीर्तिमानी २१७ रन बनाए।११७ बल खेलेका उनले समान १६ चौका र छक्का प्रहार गरे।
लक्ष्मण कुमालले ७३ बलमा ६ चौकासहित ६० रन बनाए। आसिफ खान २५ र समीर अली १७ रनमा आउट भए। गण्डकीले ४७ रन त अतिरिक्त नै दिएको थियो।
गण्डकीका करण गैरेले सर्वाधिक ३ विकेट लिए। ६ ओभर बलिङ गरेका उनले ५० रन खर्चिए।
