काठमाडौं। नेपालले एएसबिसी एसियन यु–२२ एन्ड युथ बक्सिङ च्याम्पियनसिपमा ४ कांस्य पदक जितेको छ।
श्रीलंकाको कोलम्बोमा सम्पन्न प्रतियोगितामा पुरुष र महिलातर्फ समान २ कांस्य पदक हात पारेको हो। प्रतियोगितामा नेपालबाट ७ खेलाडी सहभागी थिए। पुरुषमा अर्पिल रानाले ५१ किलो तौलसमूह र सिंहबिर लिम्बूले ६० किलो तौलसमूहमा कांस्य दिलाए।
महिलातर्फ ८० प्लस किलोमा त्रिशा जबेगु र ६० किलो तौलसमूहमा नारिका राईले कांस्य जित्न सफल भएका हुन्। नेपाली टोलीबाट प्रशिक्षकको भूमिका आइवा वानस्टार सुजित पुनले निभाएका थिए ।
सोही प्रतियोगितामा आइवा थ्री स्टार रेफ्री जजको परीक्षामा नेपालको तर्फबाट पूर्व बक्सिङ खेलाडी सन्तोष आलेमगरले सहभागिता जनाएका थिए
