भुटान र श्रीलंकाले साफ यु–१७ का दुई प्रतियोगिता आयोजना गर्ने

काठमाडौं। भुटान र श्रीलंकाले साफ यु–१७ का दुई प्रतियोगिता आयोजना गर्ने भएका छन्।

दक्षिण एसियाली फुटबल महासंघ (साफ) को शनिबार काठमाडौंमा बसेको बोर्ड बैठकले साफ यु–१७ का दुई प्रतियोगिता आयोजक टुंगो लगाएको हो।

साफका अनुसार साफ यु–१७ महिला च्याम्पियनसिप भुटानमा आयोजना हुने भएको छ। प्रतियोगिता सेप्टेम्बरमा हुने तय छ।

यस्तै, साफ यु–१७ पुरुष च्याम्पियनसिप श्रीलंकामा हुने भएको छ। प्रतियोगिता अक्टोबरमा राखिएको छ।