अन्तिम खेलमा आरसिटीको सानदार जित

काठमाडौं। अन्नपूर्ण क्लब (आरसीटी)ले सहिद स्मारक ‘बी’ डिभिजन लिगअन्तर्गत आफ्नो अन्तिम खेलमा सानदार जित हासिल गरेको छ।

सातदोबाटोस्थित एन्फा कम्प्लेक्समा सम्पन्न खेलमा आरसीटीले श्री कुमारी क्लबलाई ४–१ ले पराजित गरेको हो। यो जितसँगै १३ खेलमा १८ अंक जोड्दै आरसीटीले लिग टुंगायो।

समान खेलबाट कुमारी १६ अंक जोड्न सफल रह्यो। दुवै क्लबले यसअघि नै रेलिगेसनको खतरा टारेका थिए।

आरसिटीको जितमा विवेक राई र अजीत गुरुङले समान दुई गोल गरे। कुमारीका राजकुमार स्याङ्ताङले एक गोल फर्काए।

विवेकले ३६ र ५९औं मिनेटमा गोल गरेका थिए। अजितले भने ५४ र ८२औं मिनेटमा गोल गर्दै ४–० को सानदार अग्रता दिलाए। ८४औं मिनेटमा राजकुमारले गोल गर्दै कुमारीलाई केही राहत दिलाए।