नयाँ बस्तीसँगै टुसाल ‘सी’ डिभिजनमा झर्‍यो

काठमाडौं। श्री टुसाल युवा क्लब सहिद स्मारक ‘सी’ डिभिजन लिगमा झर्ने दोस्रो टोली बनेको छ।

एन्फा कम्प्लेक्समा मंगलबार सम्पन्न खेलमा पुछारबाट तेस्रो स्थानमा रहेको अन्नपूर्ण क्लब (आरसीटी)ले पाँचौं स्थानको वीरञ्ज युनाइटेडसँग १–१ को बराबरी खेलेसँगै टुसाल रेलिगेसनमा परेको हो।

नयाँ बस्ती युवा क्लब यसअघि नै रेलिगेसनमा परिसकेको छ। यो बराबरीसँगै आरसीटी १५ अंक जोड्दै ११औं स्थानमा उक्लियो। वीरगञ्ज १७ अंकका साथ पाँचौं स्थानमा यथावत रह्यो।

टुसालको समान खेलबाट मात्र ११ अंक छ। प्रज्ज्वल गुरुङले दोस्रो हाफको तेस्रो मिनेटमा गोल गर्दै आरसिटीलाई सुरुआती अग्रता दिलाएका थिए। तर, ५८औं मिनेटमा सञ्जय चौधरीले बराबरी गोल फर्काएका थिए। त्यसपछि दुवै टोलीबाट गोल हुन सकेनन्।