बैंग्लोरको नयाँ नेतृत्वले नयाँ कथा लेख्ला?

काठमाडौं। रोयल च्यालेन्जर्स बैंग्लोरका लागि इन्डियन प्रिमियर लिग (आइपिएल) २०२४ का सुरुआती खेल निकै असहज बनेको थियो।

बैंग्लोरले सुरुआती आठमध्ये सात खेल हारेको थियो। तर, लगातार ६ खेल जित्दै प्लेअफमा स्थान बनायो। अन्तिम खेलमा चेन्नई सुपर किंग्सलाई नेट रन रेटमा पछि पार्दै बैंग्लोर एलिमिनेटरमा पुगेको थियो। तर, राजस्थान रोयल्ससँग पराजित भयो।

अहिलेसम्मको यात्रामा बैंग्लोरले अन्तर्राष्ट्रिय स्तरमा स्थापित खेलाडीलाई कप्तानी सुम्पिएको छ। तर, यसपल्ट बैंग्लोरले रजत पाटीदारमाथि बाजी लगाएको छ। उनले फाफ डु प्लेसिसको स्थान लिनेछन्, जसलाई फ्रेन्चाइजीले रिटेन गरेको थिएन।

सैयद मुश्ताक अली ट्रफी २०२४–२५ मा जम्मा ११ जना ब्याट्सम्यानले ३०० भन्दा बढी रन बनाए। तर, तीमध्ये सबैभन्दा छिटो रन बनाउने खेलाडी पाटीदार (१८६.०८) थिए जसले ६१.१४ को औसतमा ४२८ रन बनाए। उनी सिजनमा सर्वाधिक रन बनाउने खेलाडी पनि थिए। उनी सिजनमा सबैभन्दा धेरै २७ छक्का प्रहार गर्ने खेलाडी पनि हुन्।

दिनेश कार्तिक पनि उनीसँग ब्याटिङ मेन्टरको रूपमा जोडिएका छन्। पछिल्ला तीन सिजनमा उनले बैंग्लोरबाट खेलेका थिए। तर, उनले ढल्किदो उमेरसँगै सन्न्यास लिइसकेका छन्। ओमकार साल्वीलाई बलिङ प्रशिक्षकको रूपमा कोचिङ स्टाफमा थपिएको छ। कार्तिक फ्रेन्चाइजको कप्तान हुँदा साल्वी पनि कोलकाता नाइट राइडर्सका  हिस्सा थिए।

ज्याकब बेथेलले आफ्नो खेलबाट धेरै प्रभावित पारेका छन्। बेथेलसँग ठूला शट खेल्ने र बायाँ हाते स्पिन बलिङको विकल्प बन्ने क्षमता छ। यसका अलवा एक चुस्त फिल्डर पनि हुन्। त्यसैले उनी यस टोलीमा ग्लेन म्याक्सवेलको लागि एक उत्तम विकल्प हुन्। 

सन् २०२२ मा भएको यु–१९ विश्वकपको क्रममा उनले दक्षिण अफ्रिकाविरुद्ध ४२ बलमा ८८ रन बनाएका थिए। २०२३ मा टी–२० ब्लास्ट फाइनलमा उनको अद्भुत क्याच भाइरल भयो।

सन् २०२४ मा उनले १६ बलमा अविजित ५६ रन बनाउँदै बर्मिंघम बियर्सको इतिहासमा सबैभन्दा छिटो अर्धशतक बनाए। यस्तो अवस्थामा २०२५ मा बेथेलले के गर्छन् भनेर हेर्न बाँकी छ।

उमेर छलकपटको आरोपमा दुई वर्षको प्रतिबन्ध लागेपछि रसिख दारले क्रिकेटबाट टाढा रहने जोखिमको सामना गर्नुपरेको थियो। तर, फर्कंदा उनको ढाडमा चोट लाग्यो। उनले जम्मू कश्मीरको आफ्नो राज्य टोलीमा पनि स्थान पाउन सकेनन्। 

उनलाई इरफान पठान र मुम्बई इन्डियन्सले परामर्श दिएका थिए। त्यसपश्चात उनी सन् २०१८ मा विक्री भएका थिए। गत सिजन दिल्ली क्यापिटल्सबाट उत्कृष्ट प्रदर्शन गरेपछि रसिक अब आफ्नो क्रिकेटलाई ट्रयाकमा फर्काउन तयार छन्। स्लो बल र भिन्नतासहितको बल खेल्न सक्नु उनको विशेषता हो।

चोटका कारण जोश हेजलवुडले बोर्डर–गावस्कर ट्रफीको अन्तिम दुई टेस्ट गुमाए र च्याम्पियन्स ट्रफीबाट पनि बाहिरिए। उखेल्न तयार भए पनि उनले अन्तिम पटक २०२३ मा बैंग्लोरबाट खेलेका थिए।

भारतमा भएको एकदिवसीय शृंखलाको क्रममा बेथेलको औंलामा पनि चोट लागेको थियो। यद्यपि, उनी चोटबाट राम्रोसँग निको भइरहेका छन् र सिजनको सुरुआतका लागि उपलब्ध हुने अपेक्षा गरिएको छ।