गणेशमान सिंह बक्सिङलाई पाँच कर्पोरेट हाउसको साथ

काठमाडौं । वीर गणेशमान सिंह राष्ट्रिय बक्सिङ प्रतियोगितालाई पाँच प्रायोजक संस्थाले सहकार्य गर्ने भएका छन् । आईतबार काठमाडौंमा एक कार्यक्रमकाबीच आयोजक संस्था र पाँच कर्पोरेट हाउसले प्रायोजन सम्झौता पत्रमा हस्ताक्षर गरेका छन् ।

प्रतियोगितालाई टिभिएसको आधिकारिक विक्रेता जगदम्बा मोटर्सले ६ लाख रुपैयाँ बराबरको एक थान बाईक र एक थान स्कुटर प्रायोजन गर्ने भएको छ । त्यस्तै लियोन मोर्टसले ५ लाख, लयेल्स ५ लाख, ब्रिज सिमेन्टले ३ लाख र लक्ष्मी बैंकले ३ लाख रुपैयाँको प्रायोजन सम्झौता पत्रमा हस्ताक्षर गरेका छन् ।

आयोजकका तर्फबाट वित्तिय प्रमुख सञ्जिब तुलाधर र कर्पोरेट हाउसतर्फ बृज सिमेन्टका सिनियर ब्राण्ड म्यानेजर अमित श्रेष्ठ, लक्ष्मी बैंकका राजीब सापकोटा, लियोन माटर्सका निभा सिंह र जगदम्बा मोटर्सका मार्केटिङ प्रमुख बिक्रम शर्मा पौडेलले सम्झौतामा पत्रमा हस्ताक्षर गरेका थिए ।

राष्ट्रिय खेलुकद परिषदको सहयोगमा सञ्चालन हुन लागेको प्रतियोगितामा सात प्रदेश सहित ३ विभागीय टिम गरि १० टोली सहभागि हुनेछन् ।

प्रतियोगितामा पुरुषतर्फ ८ तौल र महिलातर्फ ६ तौल समुहमा प्रतिस्पर्धा हुनेछ । हरेक टोलीमा बढीमा ८ पुरुष र ६ महिला गरि ८० पुरुष र ६० महिला खेलाडीले भाग लिनेछन् ।

प्रतियोगिताका लागि प्रदेश छनोट भईसकेको छ । झण्डै ८० लाख खर्च हुने प्रतियोगिताकालागि राखेपले ५० लाख रुपैयाँ उपलब्ध गराएको छ ।